Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
12/05/202003:00
Episode Info

Actions prove who someone is, words just prove wo they want to be.

ဒီနေ့အတွက်စကား

အပြောနဲ့ အလုပ်မှာ ဘယ်ဟာက ပိုပြီး အရေးကြီးသလဲဆိုတာကို မီးမောင်းထိုးပြထားတဲ့စကားတစ်ခွန်းပါ။ လူတစ်ယောက်က အောင်မြင် ချင်တယ် အောင်မြင်ချင်တယ်ဆိုပြီး အော်ဟစ်နေရုံနဲ့ အောင်မြင်လာနိုင်မှာမဟုတ်ဘူးဆိုတာ အားလုံးလက်ခံထားကြ မှာပါ။ အောင်မြင်ဖို့အတွက် ဒီအတိုင်းထိုင်နေလို့မရဘူး။ ကိုယ်လုပ်စရာရှိတာတွေကိုလုပ်ရမယ်။ ကြိုးစားမှုကိုအရင်းတည်လို့ ဇွဲ၊ လုံ့လ၊ ဝီရိယကို လက်ဆွဲပြီး ဆောင်ရွက်ရမယ်။ လုပ်ဆောင်ကြိုးပမ်းတဲ့နေရာမှာလည်း မရမက ကျားကုတ်ကျားခဲ အောင်မြင်တဲ့ အချိန် ထိ အောင်မြင်ခြင်းဆိုတာကို ခံစားမိတဲ့အချိန်ထိ ကြိုးစားရမှာပါ။ တကယ်တော့ အပြောနဲ့ လေထဲမှာ တိုက်အိမ်ဆောက် နေတဲ့သူ တွေကတော့ လေထဲမှာဆောက်တဲ့ တိုက်အိမ်လိုပဲ အခြေအမြစ်မရှိလွင့်မျောပျောက်ကွယ်သွားနိုင်ပါတယ်။

လောကမှာ ကိုယ်တ ကယ်ဖြစ်ချင်တဲ့အရာတွေအတွက် ပြောနေရုံနဲ့မရနိုင်ပါဘူး။ ထိုင်နေရုံနဲ့လည်း ဟပ်ချလောင်းဆိုပြီး ပဉ္စလက် ဆန်ဆန်ဖြစ်မလာနိုင် ပါဘူး။ လက်တွေ့ကြိုးစားရပါမယ်။ တကယ်ဖြစ်ချင် တကယ်လုပ်ရပါမယ်။ အဟုတ်ကိုဖြစ်ပါတယ်။ အဓိက ကတော့ ကိုယ့်အနေနဲ့ လုပ်ဆောင်တဲ့နေရာမှာလည်း မိမိကိုယ်ကို ယုံကြည်မှုအပြည့်ထားဖို့လည်းလိုပါတယ်။ ဖြစ်ပါ့ မလား။ တစ်ခုခုများဖြစ်သွားလေမ လား ဆိုပြီး စစ်မရောက်ခင်မှာမြှားကုန်နေလို့မရပါဘူး။ ဘုရင့်နောင်လိုမျိုး စွန့်လွတ်သင့်တာကို စွန့်လွတ်၊ တိုက်ခိုက်သင့်တာကို တိုက်ခိုက်လို့ ဘဝတိုက်ပွဲကိုအနိုင်ယူရပါမယ်။


Powered by