Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
19/02/202003:00
Episode Info

You’ll end up really disappointed if you think people will do for you as you do for them. Not everyone has the same heart as you.

လူဘဝရဲ့အရေးပါတဲ့အခန်းကဏ္ဍတစ်ခုဖြစ်တဲ့ ပေါင်း သင်းဆက်ဆံရေးဆိုတဲ့ကိစ္စကြီးမှာ ရုပ်ရည်သွင်ပြင်လက္ခဏာ မတူကွဲပြား တဲ့လူတွေနဲ့တွေ့ဆုံဆက်ဆံရမှာဖြစ်သလို စိတ်ဓါတ် အမျိုးမျိုးရှိသောလူတွေနဲ့လည်း တွေ့ဆုံရမှာပါပဲ။ ဒီလို လူအမျိုးမျိုးစိတ် အထွေထွေနဲ့ဆက်ဆံရေးမှာ ပျော်ရွှင်ကျေနပ်မှုကို ခံစား ရကောင်းရနိုင်သလို အလိုမကျဝမ်းနည်းရတာမျိုး ဒီလိုလူမျိုးတွေနဲ့မှ တွေ့မိလေခြင်းဆိုပြီး နောင်တရတာမျိုးလည်း ခံစားရ ကောင်း ခံစားရနိုင်ပါတယ်။ အထူးသဖြင့်လူတိုင်းကို ကိုယ့်စိတ်နဲ့နှိုင်းလို့ ကိုယ်နဲ့ထပ်တူဖြစ်နေလိမ့်မယ်လို့မတွေးပါနဲ့။ ကိုယ်နဲ့ စိတ်တူကိုယ်တူလူမျိုးဆိုတာ ရှိရင်တောင်မှ တော်တော်လေးရှားမှာ အသေအချာပါပဲ။ တစ်နည်းမဟုတ်တစ်နည်း တစ်မျိုးမဟုတ် တစ်မျိုးမှာတော့ ကိုယ်နဲ့စိတ်သဘောထားခြင်းကွဲလွဲမှာ အသေ အချာပါပဲ။ မတူညီတဲ့လူအချင်းချင်းမပြောပါနဲ့။ ကိုယ့်ရဲ့လက်တစ် ဖက်ထဲမှာရှိတဲ့ လက်ချောင်းတွေတောင်မှ တစ်ချောင်းနဲ့ တစ်ချောင်း အတိုအရှည် အပိန်အဝမတူတာကို သတိပြုမိဖို့လိုပါတယ်။ ဒါကြောင့် ကိုယ်ဖြစ်စေချင်တဲ့အတိုင်း လူတိုင်းက လိုက်လုပ်ဖို့ဆိုတာကတော့ မိုးကောင်းကင်က တိမ်တိုက်ကို လက်နဲ့ဖမ်းဆုပ်ဖို့ ကြိုးစားတာထက်ကို ပိုလို့ခက်ခဲပါလိမ့်မယ်။ ဒါကြောင့် တပါးသူအပေါ်မှီခိုပြီး ထားရတဲ့မျှော်လင့်ချက်မျိုးကို မထားမိအောင်ကြိုးစားပါ။

သင်လုပ်ပေးခဲ့သလိုတခြားသူတွေကသင့်ကိုပြန်လုပ်ပေးမှာပဲလို့တွေးထားခဲ့ရင်တော့ အဆုံးသတ်မှာ စိတ်မကျေနပ်မှုကိုခံစားရ မှာပါ။ လူတိုင်းမှာ သင့်လိုနှလုံးသားမရှိနိုင်ပါဘူး။

Powered by