Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
11/06/202003:00
Episode Info

ဒီနေ့အတွက်စကား

You don’t need money to be rich, open up your doors, heart and mind. Invest in people, friendships and relationships and watch how much you gain back.

လောကမှာနေထိုင်ရှင်သန်ကြတဲ့ လူသားတွေအနေနဲ့ ချမ်းသာနိုင်ဖို့အတွက် ငွေကြေး တွေကို ပိုင်ဆိုင်ထားမှသာဆိုတဲ့ အတွေးကမှားနေတဲ့အကြောင်းနဲ့ တကယ်တမ်းချမ်းသာဖို့အတွက်ဆိုရင် ဘာတွေကို လုပ် ဆောင် သင့်သလဲဆိုတာကိုပါ ပြောပြထားတဲ့စကားတစ်ခွန်းဖြစ်ပါတယ်။ လောကမှာ ငွေကြေးဓနဥစ္စာကြွယ်ဝနေရုံနဲ့ ဘဝမှာ ပြီးပြည့်စုံနိုင်တာမဟုတ်ပါဘူး။ လူသားမှန်ရင် တသီးပုဂလရှင်သန်ရပ်တည်နိုင်စွမ်းဆိုတာ မရှိနိုင်ပါဘူး။ အထူးသဖြင့် တစ်ပင် တည်းထီးထီးကြီးရပ်တည်နေတဲ့ သစ်ပင်ဟာ လေပြင်းမုန်တိုင်းရဲ့ဒါဏ်ကို ခံနိုင်ရည်စွမ်းနိမ့်ပါးသလိုပဲ လူသားမှန်ရင် အပေါင်း အသင်း အသိုက်အဝန်းနဲ့ နေထိုင်ရှင်သန်ရပါတယ်။ ဒါကြောင့်လည်း လောကမှာ ပေါင်းသင်းဆက်ဆံရေးနဲ့ မိတ်ဆွေသင်္ဂဟအ ရေးတွေက အရေးကြီးတဲ့ အချက်တွေထဲမှာ ပါဝင်နေတာဖြစ်ပါတယ်။

မိတ်ဆွေသင်္ဂဟပေါများခြင်းဆိုတာ တကယ့်ကိုမင်္ဂလာ တစ်ပါးလည်းဖြစ်ပါတယ်။ ကိုယ့်အတွက် လိုအပ်တဲ့နေရာမှာ လိုအပ် သလို ဆောင်ရွက်နိုင်ဖို့အတွက် ကျောထောက်နောက်ခံ ကောင်းကောင်းသာရှိနေမယ်ဆိုရင် လုပ်ဆောင်မှုတွေမှာ အားသိပ်စိုက် စရာလည်း မလိုပါဘူး။ ပင်ကိုအရည်အသွေးကို ကောင်းမွန်တဲ့ ထောက်ပံ့မှုနဲ့ဆိုရင်တော့ အောင်မြင်ခြင်းကိုသွားတဲ့ နေရာမှာ အခက်အခဲတွေကို လွယ်လင့်တကူဆိုသလို ကျော်လွှားနိုင်မှာလည်းဖြစ်ပါတယ်။ ဒါကတော့ ပေါင်းသင်းဆက်ဆံရေးကောင်းမွန် တဲ့သူတွေရဲ့ ကောင်းကွက်တွေထဲက အဓိက အချက်လို့လည်းပြောလို့ရပါတယ်။

Powered by