Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
09/06/202003:00
Episode Info

Helping one person might not change the world, but it could change the world for one person.

လောကမှာ အနှိုင်းမဲ့တဲ့ ပီတိကိုခံစားနိုင်စေမယ့် သူတပါးကို ကူညီဖေးမခြင်းရဲ့ အကျိုး ကျေးဇူးကို ပြောပြထားတဲ့စကားတစ်ခွန်း ဖြစ်ပါတယ်။ ကျွန်တော်တို့နေထိုင်တဲ့ကမ္ဘာမြေကြီးမှာ လူသားတိုင်းဟာ အဆင်ပြေခြင်း များစွာနဲ့ အစဉ်အမြဲနေထိုင်ရပ်တည်နိုင် မှာမဟုတ်ပါဘူး။ ဒါကတော့ စကြာဝဋာဆိုင်ရာအမှန်တရားတစ်ခုဖြစ်ပါတယ်။ လောကရဲ့ နေ့ရက်တိုင်းမှာ ကမ္ဘာ့ရဲ့နေရာဒေသ အရပ်ရပ်မှာနေထိုင်နေကြတဲ့လူသားတစ်ယောက်မဟုတ်တစ်ယောက်၊ တစ်ဦးမဟုတ်တစ်ဦး စိတ်ဆင်းရဲမှုတွေကို ခံစားနေရ တတ်သလို၊ အတိဒုက္ခတွေနဲ့ရင်ဆိုင်နေရတဲ့သူတွေလည်း အများကြီးရှိလို့နေပါတယ်။ အခက်အခဲပေါင်းများစွာကို ကိုယ့်ရဲ့ အသက်အရွယ်နဲ့မမျှ ခံစားကျော်လွှားနေရတဲ့သူတွေလည်းရှိနေပါတယ်။

ကိုယ့်ရဲ့ရှေ့မှာ ကိုယ့်ဘက် က တတ်နိုင်တဲ့နည်းနဲ့ကူညီပေးလို့ရတဲ့သူတွေမြင်တဲ့အခါမှာ မမြင်ချင်ယောင်ဆောင်ကျော်လွှား မသွားဘဲ လူသားချင်းကိုယ်ချင်း စာနာတဲ့စိတ်နဲ့ ကူညီရိုင်းပင်းဖို့လိုပါတယ်။ ကိုယ့်အနေနဲ့ ငွေကြေးဥစ္စာမပေးနိုင်ရင်တောင်မှ စိတ်စေတနာနဲ့ ကိုယ်တတ်နိုင်တဲ့ အပိုင်းကနေ ကူညီထောက်ပံ့ပေးတာ၊ ကိုယ်စွမ်းဉာဏ်စွမ်းရှိသရွေ့ ရိုင်းပင်းပေးတာ၊ နှုတ်ဧ။်ဆောင်မခြင်း၊ ကိုယ်ဧ။်ဆောင်မခြင်း တို့နဲ့ ကူညီပေးတာမျိုးတွေကို လုပ်ဆောင်ပေးကြည့်ပါ။ ကိုယ့်မှာရှိတဲ့အထဲကနေ မျှဝေပေးလိုက်ခြင်းဆိုတာ တကယ်တော့ ပရဟိ တစိတ်ဓါတ်ပါပဲ။ ငွေတွေ သိန်းချီလှူဒါန်းနေမှမဟုတ်ဘဲ ကိုယ့်ရဲ့စိတ်ထဲက စေတနာအပြည့်နဲ့ ကူညီရိုင်းပင်းလိုက်ခြင်းဟာ ညောင်စေ့ကိုလှူပေမယ့် ညောင်ပင်ကြီးရသလိုအဖြစ်မျိုးကို ဖြစ်စေနိုင်ပါတယ်။

Powered by