Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
29/11/201903:00
Episode Info

ဒီနေ့အတွက်စကား

When life gives you a hundred reasons to break down and cry, show life that you have a million reasons to smile and laugh.

ဘဝကသင့်ကိုကျရှုံးစေမယ့်ငိုစေနိုင်တဲ့အကြောင်းအရာတစ်ရာလောက်ပေးတဲ့အခါ သင့်မှာပြုံးရွှင်ရယ်မောစရာ အကြောင်းအရင်း တစ်သန်းလောက်ရှိနေကြောင်းပြန်လိုက်ပါ။ လောကရဲ့ထိုးစစ်တွေကို ကြံ့ကြံ့ခံရင်ဆိုင်ပြီးဘာပဲဖြစ်နေဖြစ်နေအပြုံးမပျက်နေနိုင်ဖို့ လိုအပ်တဲ့အကြောင်းစိတ်ဓါတ်ကိုဘယ်လိုထားရမလဲဆိုတာကိုပြောပြထားတဲ့စကားတစ်ခွန်းပါ။ လောကမှာလူရယ်လို့ဖြစ်လာရင် အခက်အခဲတွေကိုတွေ့ကြုံရမယ်။ အတားအဆီးတွေကိုဖြတ်ကျော်ရမယ်။ အနှောင့်အယှက်အဟန့်အတားတွေကိုရင်ဆိုင်ရမယ်။ ဒါတွေကိုတွေ့ကြုံရင်ဆိုင်ဖြတ်ကျော်နိုင်မှသာအနိုင်ရတဲ့လူတော်တစ်ယောက်ဖြစ်လာမှာပါ။ ဒါဟာအမှန်တရားပါပဲ။ ဘယ်သူ တစ်ဦးတစ်ယောက်ကမှ လွယ်လင့်တကူအောင်မြင်တဲ့သူတစ်ယောက်ဖြစ်မနေပါဘူး။

အခုချိန် အများကအားကျအတုယူရတဲ့ ထိပ်ဆုံးကလူတွေကိုကြည့်မယ်ဆိုရင် သူတို့ရဲ့ဘဝအစသမိုင်းအစမှာ ပင်ပန်းဆင်းရဲခံ ပြီး ကျားကုတ်ကျားခဲကြိုးစားခဲ့ကြတဲ့သူတွေချည်းပါပဲ။ အတိတ်မှာသူတို့တွေ ဘယ်နှစ်ကြိမ်လဲကျခဲ့သလဲ။ ဘယ်နှစ်ကြိမ်ငိုညည်းခဲ့ရ သလဲဆိုတာကိုအတိအကျဘယ်သူမှ သိနိုင်မှာ မဟုတ်ပါဘူး။ ဒါပေမယ့် သူတို့အခုလက်ရှိအောင်မြင်နေတယ်။ အရင်အချိန်ကြိုး စားခဲ့ချိန်ကကဲ့ရဲ့မှုတွေဒဏ်၊ ကံကြမ္မာရဲ့ ထိုး နှက်ချက်တွေ၊ မဖြစ်နိုင်ပါဘူးလို့ ပြောကြတဲ့ လှောင်ရယ်သံတွေကို ဥပေက္ခာပြုနိုင်ခဲ့ လို့လည်းအခုအောင်မြင်နေတာပါ။ လောက က အတွေ့အကြုံတွေ သင်ခန်းစာတွေကိုလည်းမရိုးတမ်းပေးနေမှာအသေအချာပါပဲ။ ဘဝရဲ့လှိုင်းပုတ်ချက်တွေကို အလူးအလဲ အံတုရင်ဆိုင်ခဲ့ရမှာပါပဲ။ အဓိကကတော့ ကိုယ့်စိတ်ထဲကခံယူချက်ကိုမပြောင်းလဲဖို့ ကြိုးစားမှုကိုမလျော့လိုက်ဖို့ပါပဲ။

Powered by