Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
15/07/202003:00
Episode Info

Love Your Family. Spend Time, be kind and serve one another. Make no room for regrets. Tomorrow is not promised and today is short.

၂၀၂၀ ဖေဖော်ဝါရီ တရုတ်နိုင်ငံ မြို့တစ်မြို့ကနေ စတင်ခဲ့တဲ့ ကပ်ရောဂါ ဆိုးတစ်ခုကြောင့် ကျွန်တော်တို့တစ်ကမ္ဘာလုံးက ပြည်သူတွေ အိမ်ထဲကအိမ်ပြင်မထွက်ဘဲ ရောဂါကာကွယ်ခဲ့ကြရပါတယ်။ တချို့အတွက်ကတော့ အလွန်တရာကြောက်မက် ဖွယ်ရာအတိတ်ဆိုးတစ်ခုဖြစ်ခဲ့ကြသလိုဘဲ လူပေါင်းများစွာအသက်ဆုံးရှုံးခဲ့ရပါတယ်။ ထို့အတူပဲ အဆိုးထဲကနေ အကောင်း တစ်ခုကို ကျွန်တော်တို့ မြင်အောင်ကြည့်ခွင့်ရခဲ့ပါတယ်။ ဒါကတော့ အနှစ်နှစ်အလလက မေ့လျော့နေခဲ့တဲ့ မိသားစုကို အချိန်ပေးဖို့နဲ့ မိသားစုနဲ့ တန်ဖိုးရှိပြီးလှပတဲ့ တဒင်္ဂလေးတွေကို ဖန်တီးယူဖို့ပါပဲ။

ကျွန်တော်တို့ရှင်သန်ရာလူ့လောကကြီးက တစ်ရက်ပြီးတစ်ရက် ပိုပြီးတိုးတက်လာတယ်။ ထို့အတူပဲ လိုအပ်ချက်တွေက လည်း တစ်ရက်ပြီးတစ်ရက် ပိုပိုလို့ များလာပါတယ်။ နိစ္စဒူဝ စားဝတ်နေရေးအပြင်ကိုမှ လူတန်းစေ့နေနိုင်ရေး လူ့အောက်မ ကျရေးစတဲ့အချက်တွေကြောင့်ရော လူတွေဟာ မောဟတွေများလာတယ်။ ထို့အတူပဲ ခေတ်ရဲ့နောက်ကို မမောတမ်း မောနေ ရင်တောင်မှ မောမှန်းမသိလောက်အောင်ကို တစ်ကောက်ကောက်လိုက်လို့ နေ့ရက်တွေကို ဖြတ်သန်းခဲ့ကြပါတယ်။ မိမိကိုယ် တိုင်အတွက်ရော မိမိမိသားစုအတွက်ရောဆိုတဲ့ စိတ်ဆန္ဒတွေကိုယ်စီနဲ့ ဘဝမီးအိမ် ကုန်ခမ်းခါနီးအချိန်ထိ ရမ္မက်တွေ ဆန္ဒတွေ လိုအင်တွေနဲ့ ပြေးလွှားနေကြရပါတယ်။

Powered by