Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
12/10/201903:00
Episode Info

ဒီနေ့အတွက်စကား

Smiling is the best way to face every problem, to crush every fear, to hide every pain.

အပြုံး။

တကယ့်ကိုမှကိစ္စတော်တော်များများကိုဖြေရှင်းနိုင်တဲ့နည်းလမ်းတစ်ခုပါ။တစ်ယောက်နဲ့တစ်ယောက်ကြားပြဿနာတစ်ခုဖြစ်ပွားနေရင်တောင်မှတစ်ဖက်ဖက်ကသူကပြံုးပြလိုက်မယ်ဆိုရင်ရှိရင်းစွဲတက်နေတဲ့ပြဿနာတောင်အနည်းနဲ့အများတော့လျော့နည်းသွားစေနိုင်ပါတယ်။

မသိသေးတဲ့လူတွေအချင်းချင်းကိုလည်းမိတ်ဆွေတွေဖြစ်စေနိုင်တာကအဲဒီအပြံုးပါပဲ။ယဉ်ကျေးသိမ့်မွေ့မှု၊ဖော်ရွေပျူငှာမှုကိုကိုယ်စားပြုတဲ့အပြံုးဟာလူသားဆန်ခြင်းနဲ့ချစ်ခင်ကြင်နာခြင်းကိုပါဆောင်ကြဉ်းပေးနိုင်ပါတယ်။မိတ်ဆွေဖွဲ့တဲ့နေရာမှာလည်းအပြံုးတစ်ပွင့်ကအရေးကြီးသလိုရန်သူကိုတောင်မိတ်ဆွေဖြစ်အောင်သိမ်းသွင်းနိုင်တဲ့အထိအပြံုးတစ်ပွင့်ရဲ့တန်ခိုးကကြီးမားပါတယ်။

ကိုယ်ကကြောက်ရွံနေရင်တောင်မှအပြံုးကိုနှုတ်ခမ်းထက်မှာအသက်သွင်းလိုက်ရင်စိတ်ထဲကကြောက်ရွံ့မှုလည်းလျော့ကျနိုင်သလို၊ကိုယ့်ကိုကိုယ်ယုံကြည်မှုကိုလည်းတိုးပွားစေနိုင်ပါတယ်။ဘယ်လောက်ပဲရုပ်ရည်အရအားနည်းတဲ့သူဖြစ်နေပါစေ။အပြံုးချိုချိုလေးကိုပိုင်ဆိုင်ထားနိုင်ခဲ့မယ်ဆိုရင်လူချစ်လူခင်ပြောများနိုင်ပါတယ်။

Powered by