Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
04/04/202003:00
Episode Info

Watch your words when you are with people and your thoughts when you are alone.

ဒီစကားလေးကတော့ ဘယ်လိုမျိုးအချိန်တွေမှာကိုယ့်ရဲ့ အပြုအမူတွေကိုသတိထားဖို့လိုသလဲဆိုတာကိုသတိပေးထားတဲ့ စကား လေးပါ။ တပါးသူတွေနဲ့ရှိနေတဲ့အခါမှာကိုယ်ပြောလိုက်တဲ့စကားတွေကိုသတိထားပါတဲ့။ ဟုတ်ပါတယ်။ ကိုယ်ပြောလိုက်တဲ့ စကားဆိုတာကိုယ့်ရဲ့သွင်ပြင်ကိုယ့်ရဲ့ အရိပ်တစ်ခု၊ ကိုယ့်ရဲ့အဆင့်အတန်းအဖြစ်နဲ့ ရှိနေတတ်တဲ့အတွက် ကိုယ်ပြောလိုက်တဲ့ စကားကသူများအတွက်လည်းအကျိုးရှိတဲ့ ကိုယ့်အတွက်လည်းအကျိုးမယုတ်တဲ့ မှန်ကန်တဲ့စကားဖြစ်ဖို့လိုပါတယ်။ ထွက်ပြီးသား ဆင်စွယ်ဆိုတာ ပြန်ဝင်ရိုး ထုံးစံမရှိသလိုကိုယ်ပြောပြီးသားစကားကလည်း ပြန်သိမ်းလို့မရနိုင်တဲအတွက် အထူးဆင်ခြင်သင့် လှပါတယ်။

လောကမှာအရေးကြီးတဲ့ ပေါင်းသင်းဆက်ဆံရေးကိုပိုမိုချောမွေ့ပြေပြစ်သွားစေတာကလည်းကိုယ့်ရဲ့စကားပဲဖြစ်သလို ပြဿနာတွေ တက်လို့ တစ်ခါတည်းဆက်ဆံရုံနဲ့ နောက်ပိုင်းမှာဆက်ဆံရေးပျက်ပြားသွားတဲ့အထိကိုလည်းကိုယ့်ရဲ့စကား တစ်ခွန်းကလုပ်ဆောင်နိုင်တဲ့အတွက် အများနဲ့ဆက်ဆံတဲ့အခါမှာကိုယ့်ရဲ့စကားတစ်ခွန်းကိုပြောသင့်မပြောသင့်ကိုသေသေ ချာချာစဉ်းစားဆင်ခြင်ပြီးမှ ပြောသင့်ပါတယ်။ တစ်ချို့တော့ ကျုပ်တို့ကစကားဆိုရင်ဒဲ့ပဲပြောတတ်တယ်။ ဟန်ဆောင်ထိန်းချုပ်ပြီးမပြောတတ်ဘူးဆိုပြီး ကျွန်တော့်စကားကို ငြင်းဆန်မယ့်သူတွေလည်းရှိပါလိမ့်မယ်။ ဒါပေမယ့်ကိုယ်ပြောလိုက်တဲ့စကားကြောင့် ကိုယ့်ရဲ့တိုးတက်ရာတိုးတက်ကြောင်းကိုပျက်ပြားစေမယ်ဆိုရင်တော့ ကိုယ်စကားကြောင့် ကိုယ့်ကိုထိခိုက်သလို ဖြစ်မနေဘူးလားခင်ဗျာ။ရှေးလူကြီးတွေကပြောခဲ့ကြပါတယ်။ နှုတ်ချိုလျှိုတစ်ပါးဆိုတဲ့အတိုင်းချိုသာတဲ့စကားကအရာအားလုံးကိုစွမ်းဆောင်နိုင်တာကိုသတိပြုမိဖို့လိုပါတယ်။

Powered by