Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
13/10/201903:00
Episode Info

The best preparation for tomorrow is doing your best today.

ဒီနေ့နဲ့မနက်ဖြန်

ဒီနေ့အရေးထက်မနက်ဖြန်အရေးကိုလူတွေကပိုပြီးပူပန်တတ်ကြတယ်။တကယ်တော့ဒီနေ့နဲ့မနက်ဖြန်ဘယ်ဟာပိုအရေးကြီးတာလဲ။

မနက်ဖြန်မှာကိုယ်ကအောင်မြင်ချင်တဲ့သူလား။လက်ရှိအချိန်ထက်တိုးတက်မြင့်မားတဲ့ဘဝကိုလိုချင်တဲ့သူလား။အဲဒါဆိုရင်အခုလက်ရှိဖြတ်သန်းနေတဲ့ဒီနေ့ဆိုတဲ့အချိန်ကိုအကောင်းဆုံးဖြတ်သန်းဖို့လိုပါတယ်။

တစ်နေ့ပြီးရင်တစ်နေဝင်လို့နောက်တစ်နေ့ကူးပြောင်းတတ်တဲ့သဘာဝတရားကြီးထဲမှာကိုယ်ကအများသူငါအားကျရတဲ့ကိုယ့်ကိုကိုယ်လည်းကျေနပ်ရတဲ့အောင်မြင်တဲ့သူတစ်ယောက်ဖြစ်ချင်ရင်၊နေ့ရက်တိုင်းမှာသွက်လက်ထက်မြက်တဲ့သူဖြစ်ချင်ရင်အောင်မြင်ခြင်းဆိုတဲ့လူတိုင်းသည်းခြေကြိုက်တဲ့အရာကိုထိန်းသိမ်းထားချင်ရင်ဒီနေ့တိုင်းဒီနေ့တိုင်းကိုအကောင်းဆုံးသောပြည့်စုံမှုတွေရှိအောင်ဖန်တီးထုဆစ်ပုံဖော်ဖို့လိုပါတယ်။

တစ်နေ့တာလုံးလုပ်ခဲ့သမျှကိုယ့်အနေနဲ့နောက်ကြောင်းမလုံတာမျိုးမဖြစ်အောင်ပြည့်စုံနေဖို့လိုပါတယ်။အချိန်ရှိတဲ့အခိုက်မှာမလုပ်လိုက်မိလေခြင်းဆိုပြီးနောင်တမရရအောင်ဒီနေ့ဆိုတဲ့လက်ရှိအချိန်မှာပဲကြိုးစားမှုတွေကိုစတင်ဖို့လိုပါတယ်။ဘယ်သူပဲဖြစ်ဖြစ်ကိုယ်တိုင်ကြိုးစားမှသာကိုယ့်ဘဝမှာကိုယ်တိုင်လိပ်ပြာသန့်သန့်နောင်တကင်းကင်းရပ်တည်နိုင်မှာပါ

Powered by