Podcast.co
Subscribe
ဒီနေ့အတွက်စကား
Padamyar FM
ဒီနေ့အတွက်စကား
12/06/202003:00
Episode Info

Hope is being able to see the light despite all the darkness.

မျှော်လင့်ခြင်းဆိုတာ အမှောင်တွေကြားထဲရောက်နေရင်တောင်မှ အလင်းရောင်ကို မြင်နေနိုင်ခြင်းပါပဲ တဲ့။

ဒီစကားကိုတော့ တောင်အာဖရိကလူမျိုး လူ့အခွင့်အရေးဆိုင်ရာလှုပ်ရှားသူ ဘုန်းတော်ကြီး Desmond Tutu က ပြောကြားခဲ့တာပဲဖြစ်ပါတယ်။ ကျွန်တော်တို့လူသားတွေအနေနဲ့ ကြံစည်လုပ်ဆောင်သမျှတိုင်းမှာ အလုံးစုံအောင်မြင်မှုဆိုတာ မဖြစ်နိုင်ပါဘူး။ ပြီးပြည့်စုံခြင်းဆိုတာ မရှိတဲ့အတွက် အမှားအယွင်းတွေလုပ်မိကောင်းလုပ်မိမယ်။ လဲပြိုကျမှုတွေဖြစ်ကောင်း ဖြစ်မယ်။ ဒီလိုနဲ့ အောင်မြင်ခြင်းကနေ ခေတ္တခဏဆိုသလို လွဲချော်မှုတွေလည်း ကြုံတွေ့နိုင်ပါတယ်။ ဒါပေမယ့် အဲဒီလို လွဲချော်မှု တွေ၊ လဲကျမှုတွေကြားထဲမှာ လူးကာလွန့်ကာနဲ့ အောင်မြင်ခြင်းဆီကိုရောက်အောင်သွားဖို့အတွက် မျှော်လင့်ခြင်းဆိုတဲ့အရာကို ကျွန်တော်တို့တတွေပိုင်ဆိုင်ထားပါတယ်။

အဲဒီမျှော်လင့်ခြင်းတွေကို အမှန်တကယ်ဖြစ်တည်လာအောင် ကိုယ့်ဘက်ကနေ အား စိုက်ထုတ်ကြိုးစားမှုသာ လိုအပ်ပါတယ်။ ဒါကြောင့် စိုက်ထုတ်ကြိုးစားမှုတွေကနေ အမှန်တကယ်ဖြစ်တည်လာဖို့အတွက် ဘယ် လိုအခက်အခဲတွေတွေ့ကြုံနေရပါစေ။ ဘယ်လိုမျိုးတွေ အမိုက်မှောင်တွေမှာပဲကျရောက်နေပါစေ။ မျှော်လင့်ချက်ဆိုတဲ့ အလင်း ရောင်ကို မြင်အောင်ကြည့်တတ်ဖို့ အရေးကြီးပါတယ်။ လူမှန်ရင် လဲကျမှုတွေကို ပြန်ထဖို့အတွက် အခွင့်အရေး အချိန်တိုင်းမှာ ရှိ နေပါတယ်။ အဓိကကတော့ ပြန်လည်ပြီး ထချင်စိတ်၊ အမှားတွေကို အမှန်ပြင်ချင်တဲ့စိတ်နဲ့ လိုအပ်ချက်တွေကို ပြန်လည်ဖြည့် တင်းချင်တဲ့စိတ်ရှိဖို့ပါပဲ။

Hope is being able to see the light despite all the darkness.

ပျက်ယွင်းနေတဲ့အခက်အခဲအတားအဆီးတွေကြားကနေ ပြန်လည်နိုးထစေဖို့ တွန်းအားဖြစ်တဲ့ စိတ်တွေကို ဦးဆောင်ပေးနိုင်တာကတော့ တဖန်ပြန်လည်ပြီး အားသစ်လောင်းပေးနိုင်တဲ့ မျှော်လင့်ချက်ပါပဲ။ ဒါကြောင့် ဘာပဲဖြစ်ဖြစ် ဘယ်လိုအခက်အခဲတွေကိုပဲကြုံကြုံ၊ ဘယ်လိုအတားအဆီးတွေကိုပဲ တွေ့တွေ့၊ ဘယ်လိုစိန် ခေါ်မှုတွေကိုပဲဖြစ်ဖြစ် လဲကျသွားတဲ့အခိုက်အတန့်တိုင်းမှာ ပြန်လည်ထိုးဖောက်ပြီး အောင်မြင်ခြင်းဆီကို ရောက်အောင်သွားနိုင် တယ်ဆိုတဲ့ မျှော်လင့်ခြင်းတွေကို ကိုယ့်စိတ်ထဲမှာ တွေးထားမွေးထားရပါမယ်။ မျှော်လင့်ချက်တွေကို အမှန်တကယ်ဖြစ်တည်စေ ဖို့ မိမိကိုယ်ကိုယုံကြည်မှုဆိုတာလည်း အရေးကြီးပါတယ်။

ကိုယ့်စိတ်ထဲက မျှော်လင့်ချက်တွေကို လက်တွေ့ဖြစ်တည်လာဖို့ အတွက် မိမိကိုယ်ကိုယုံကြည်မှု၊ ဘယ်အရာကိုပဲဖြစ်ဖြစ် ကိုယ့်အနေနဲ့ ကျော်လွှားနိုင်တယ်၊ လဲကျတဲ့အခါတိုင်းမှာ ပြန်ထနိုင် တယ်ဆိုတဲ့ စိတ်ချမှုတွေက အခြေခံပါတယ်။ ဒါကြောင့် ကိုယ့်ရဲ့ရှုံးနိမ့်မှုတွေကို ပြန်လည်ရုန်းထနိုင်ပြီး အမှားထဲကနေ အမှန်ဖြစ် လာအောင် မျှော်လင့်ချက်ကို ခိုင်ခိုင်မာမာ မြင့်မြင့်မားမားထားပြီး မိမိကိုယ်ကိုယုံကြည်မှု ပြည့်ပြည့်၀၀နဲ့ ကြိုးစားပါ။ ကြိုးစားမှု တိုင်းရဲ့ ရလာဒ်အောင်မြင်ခြင်းဆိုတာ တစ်ချိန်မဟုတ်တစ်ချိန်မှာ သေချာပေါက်ရရှိပိုင်ဆိုင်နိုင်မှာပါ။


Powered by